انگلینڈ میں طلبہ کیلیۓ بڑی خوشخبری آ گئی

‎برطانیہ میں تعلیم حاصل کرنے کےخواہشمند طلبہ کیلئے خؤشخبری ‎برطانیہ میں تعلیم حاصل کرنے کےخواہشمند طلبہ کیلئے خؤشخبری آگئی۔ ‎ برطانوی حکومت نے پاکستانی طلبا سے شیوننگ سکالرشپ کیلئےدرخواستیں طلب کرلی ہیں۔ درخواست جمع کرانے کی آخری تاریخ 2 نومبر 2021 ہے۔ ‎

 تفصیلات کے مطابق پاکستان میں برطانوی ہائی کمیشن کی جانب سے ایک پریس ریلیز جاری کی گئی ہے جس میں کہا گیا ہے کہ شیوننگ اسکالرشپ حاصل کرنے کے خواہش مند پاکستانی طلبا اب درخواست دے سکتے ہیں۔ ‎ 1983 سے شروع ہونیوالےاس پروگرام سے اب تک پاکستان سے 2 ہزار سے زائد طلباستفید ہوچکے ہیں اور مختلف شعبوں میں نمایاں خدمات سرانجام دے رہے ہیں۔ ‎شیوننگ برطانیہ حکومت کا بین الاقوامی اسکالرشپ پروگرام ہے ، جس کی مالی معاونت غیر ملکی ، دولت مشترکہ ، اورشراکت دار تنظیمیں کرتی ہیں۔ اسکالرشپ برطانیہ کی کسی بھی یونیورسٹی میں ماسٹر زڈگری پروگرام میں حصہ لینے کےلئے مالی مدد فراہم کرتی ہے۔ ‎ نئے درخواست دہندہ افراد میں سے 37پاکستانیوں نے رواں سال برطانیہ کی یونیورسٹی میں تعلیم حاصل کرنے کیلئے اسکالرشپ حاصل کی ہیں۔ ‎ شیوننگ پروگرام تمام افراد کو مساوی مواقع فراہم کرتا ہے۔ گزشتہ سال 50 فیصد  خواتین نے اسکالر شپ حاصل کی۔

برطانوی ہائی کمیشن کا مزید کہنا تھا کہ ہم پورے پاکستان اور اقلیتی گروپوں سے مزید درخواستوں کی حوصلہ افزائی کر تے ہیں۔ ‎خواہشمند افراد اپنی درخواستیں چیوننگ کی ویب سائٹ پر جمع کراسکتے ہیں